ផ្លែប៉េងប៉ោះ

      តើអ្នកដឹងទេថាផ្លែប៉េងប៉ោះមានអត្ថប្រយោជន៍អ្វីខ្លះដល់សុខភាព?

        យើងដឹងច្បាស់ហើយថាផ្លែប៉េងប៉ោះអាច យកទៅធ្វើ ម្ហូបផ្សេងៗ ឬ ញ៉ាំស្រស់ក៏បាន  ហើយ ផ្លែប៉េងប៉ោះក៏ចាត់ចូលជា ផ្លែឈើមិនមែនបន្លែនោះទេ។ ផ្លែឈើនេះ ជាប្រភពនៃសារធាតុចិញ្ចឹមជាច្រើនដែលជួយ ដល់សុខភាពមនុស្សយើងផងដែ។  សារធាតុចិញ្ចឹមក្នុងផ្លែប៉េងប៉ោះ ផ្ទុកជាតិទឹកប្រហែល ៩៥% និង ៥% ទៀត ភាគច្រើនសុទ្ធតែជា កាឡូរី និង ជាតិសរសៃ។ 

             ផ្លែប៉េងប៉ោះស្រស់ ១០០ក្រាម មាន សារធាតុចិញ្ចឹមដូចជា ៖

1. កាឡូរី៖ ១៨ កាឡូរី
2. ទឹក៖ ៩៥%
3. ប្រូតេអ៊ីន៖ ០,៩ក្រាម
4. កាបូអ៊ីដ្រាត៖ ៣,៩ក្រាម
5. ស្ករ៖ ២,៦ក្រាម
6. ជាតិសរសៃ៖ ១,២ក្រាម
7. ជាតិខ្លាញ់៖ ០,២ក្រាម។

         ក្រៅពីនេះផ្លែប៉េងប៉ោះក៏ជា ប្រភពនៃពពួកវីតាមីន រ៉ែ និងសមាសធាតុផ្សេងៗ ដូចជា វីតាមីនC ប៉ូតាស្យូម កាល់ស្យូម ផូស្វ័រ ជាតិlycopene ជាតិcholine អាស៊ីត ហ្វូលិក ជាតិbeta-carotene  ជាតិ lutein ជាតិ សរសៃ  ប៉ូតាស្យូម  និង ជាតិ Cholineនៅក្នុងផ្លែប៉េងប៉ោះ សុទ្ធតែអាចជួយទ្រទ្រង់សុខភាពបេះដូង។ ការបង្កើនការញ៉ាំប៉ូតាស្យូម និង កាត់បន្ថយ ការញ៉ាំសូដ្យូមអាចកាត់បន្ថយហានិភ័យជំងឺបេះដូង។

        ផ្លែប៉េងប៉ោះក៏មានផ្ទុកអាស៊ីត Folate  ជួយរក្សាលំនឹងកម្រិត homocysteine ដែលជា អាស៊ីត អាមីណូ បានពីការបំបែកប្រូតេអ៊ីន។ Homocysteine ត្រូវ គេជឿរថាអាចបង្កើន ហានិភ័យគាំងបេះដូងនិងដាច់សរសៃឈាមខួរក្បាល។ ការគ្រប់គ្រងកម្រិត homocysteine ដោយអាស៊ីត folate អាចកាត់បន្ថយកត្តាមួយនៃកត្តាបង្កជំងឺបេះដូងបាន។ក្រៅពីនេះការញ៉ាំអាហារ ដែលមានជាតិទឹកនិង ជាតិសរសៃ ដូចជាផ្លែប៉េងប៉ោះ អាចជួយបំពេញជាតិទឹកនិងជួយសម្រួលដល់ការបន្ទោរបង់ថែមទៀតផង។

        ផ្លែប៉េងប៉ោះសម្បូរដោយជាតិ lycopene lutein និងbeta-carotene  ដែលសុទ្ធតែជា សារធាតុប្រឆាំង អុកស៊ីតកម្ម អាចការពារ ភ្នែក ពីការខូចខាតដោយពន្លឺ ភ្នែកឡើងបាយ និងជំងឺ age-related macular degeneration (AMD).។ ការសិក្សា ពីជំងឺភ្នែកបានរកឃើញ ថាអ្នក ញ៉ាំអាហារមានជាតិ lutein និង zeaxanthin ដែលមានក្នុងផ្លែប៉េងប៉ោះ អាចកាត់បន្ថយ ហានិភ័យជំងឺកម្សោយគំហើញដែលហៅថា neovascular AMD ៣៥%។